Ísland.is – þjónustuveita ríkis og sveitarfélaga

UT-blaðið 24 .janúar 2006

Eftir Fjólu Agnarsdóttur, hagfræðing og verkefnisstjóra Ísland.is, og Höllu Björg Baldursdóttur tölvunarfræðing og verkefnisstjóra í rafrænni stjórnsýslu. Höfundar starfa í forsætisráðuneytinu.

Hafinn er undirbúningur að þjónustuveitu á Netinu fyrir almenning sem hefur það að markmiði að þar megi í framtíðinni nálgast á einum stað alla þjónustu ríkis og sveitarfélaga. Þjónustuveitan mun fá netfangið http://www.island.is og stefnt er að því að opna fyrsta áfanga hennar haustið 2006.

Þegar Ísland.is kemur til sögunnar verður ekki lengur vera þörf á að vita fyrir fram hver í opinberri stjórnsýslu beri ábyrgð á eða veiti upplýsingar eða þjónustu sem sóst er eftir hverju sinni. Ganga má að öllu vísu á einum stað og fá leiðsögn um íslenska stjórnkerfið.

Aðgengi fólks að upplýsingum og þjónustu batnar og ætlunin er að auka til muna möguleika á sjálfsafgreiðslu á Netinu til að spara fólki og fyrirtækjum tíma og fjármuni. Með aukinni sjálfvirkni má einnig búast við hraðari þjónustu og minni líkum á villum auk þess sem sjálfvirknin kann að skapa forsendur til að hagræða frekar í rekstri hjá ríki og sveitarfélögum.

Þjónustuveitan er samstarfsverkefni ríkisstofnana, ráðuneyta og sveitarfélaga og jafnframt eitt stærsta verkefnið sem sett hefur verið á laggir í samræmi við þá stefnu ríkisstjórnarinnar um upplýsingasamfélagið 2004-2007.

Hugmyndin er að hafa þrjá skyggða ramma á síðunni, einn fyrir hvern flokk hér fyrir neðan:

Hvað er Ísland.is?

• Ísland.is er upplýsinga og þjónustuveita ríkis og sveitarfélaga á Netinu
• Ísland.is er vettvangur sem leggur áherslu á aukna þjónustu við borgara landsins
• Ísland.is býður upp á sjálfsafgreiðslu og einstaklingsmiðaða þjónustu
• Ísland.is er óháð stofnanaskipulagi
• Ísland.is brúar bilið milli borgarans og hins opinbera

Hverjir eru helstu kostir við Ísland.is?

• auðveldara að finna upplýsingar og þjónustu
• hraðvirkari og öruggari afgreiðsla
• ekki þarf að endurtaka upplýsingar sem þegar eru fyrir hendi hjá opinberum aðilum
• ekki þarf að fylla út langar umsóknir og hlaupa á milli staða
• hægt er að senda umsóknir beint í gegnum Netið
• opið allan sólarhringinn, engar biðraðir
• auknir möguleikar til þátttöku í lýðræðislegum ákvörðunum

Hvers konar þjónusta verður í boði á Ísland.is?

Flokkaðar upplýsingar, til dæmis:

• Fjölskylda og heimili
• Heilsa og heilbrigðismál
• Menntun
• Menning og tómstundir
• Fjármál
• Neytendamál
• Lög og réttur
• Vinnumarkaður
• Umhverfismál
• Samgöngur og ferðalög
• Ísland og umheimurinn
• Atvinnulíf

Sjálfsafgreiðsla, til dæmis:

• Umsóknir um leyfi og skírteini
• Umsóknir um vottorð
• Umsóknir um greiðslur
• Tilkynningar um breytingar á högum einstaklinga og fyrirtækja
• Skil á gögnum