Ríkisstjórnin hefur samþykkt tillögu Ögmundar Jónassonar innanríkisráðherra um nýja aðgengisstefnu fyrir opinbera vefi til að tryggja aðgengi m.a. fyrir blinda, sjónskerta og aðra sem þurfa að nota hjálpartæki við lestur efnis og notkun vefja almennt. Innleiðingu viðmiðanna á að vera lokið 1. janúar 2015.*

Innanríkisráðuneytið óskar umsagna við tillögu þess efnis að ný viðmið taki gildi til að tryggja aðgengi að opinberum vefjum, m.a. fyrir blinda, sjónskerta og aðra sem þurfa að nota hjálpartæki við lestur efnis og notkun vefja. Í tillögunni, sem fylgir nýjum viðmiðum alþjóðlegu staðlasamtakanna W3C og kallast WCAG 2.0, er lagt til  að innleiðingu viðmiðanna hér á landi ljúki fyrir árslok 2016.

Með tilkomu tölvuskýja hefst þróun á nýju viðskiptalíkan fyrir tölvuþjónustu þar sem stefnt er að því að hægt verði að kaupa upplýsingatækniþjónustu á svipaðan hátt og rafmagn þ.e. að greitt sé í samræmi við notkun.

Forsætisráðuneytið skipaði vinnuhóp vorið 2010 sem ætlað var að gera tillögur að aðgerðaáætlun sem styður stefnu stjórnvalda og gera langtímaáætlun um innleiðingu á frjálsum og opnum hugbúnaði í opinberri stjórnsýslu.

Út er komin skýrsla um tölvuský í opinberum í opinberum rekstri.  Vinnuhópur á vegum norrænu ráðherranefndarinnar hefur fjallað um tölvuský og samdi við ráðgjafafyrirtæki um að stýra gerð skýrslu um tölvuský á Norðurlöndunum. 

Niðurstöður úttektar á opinberum vefjum voru kynntar á fundi í dag undir yfirskriftinni: Hvað er spunnið í opinbera vefi 2012? Jafnframt var í fyrsta sinn veitt viðurkenning fyrir bestu vefina.

Miðvikudaginn 18. janúar nk. verða kynntar niðurstöður 4. úttektar á opinberum vefjum ríkis og sveitarfélaga. Viðurkenningar verða veittar fyrir besta ríkisvefinn og besta sveitarfélagsvefinn. Kynningin fer fram á Grand Hótel frá kl. 12-14 og skráning er á vefnum sky.is.