3.2.12 Er hægt að stjórna blikki?

Blikkandi myndir eru til ama fyrir notendur. Flogaveikir einstaklingar eru sérstaklega viðkvæmir fyrir blikki á skjánum og eiga í hættu að fá flogakast við slíkar aðstæður.

• Vara þarf notendur við fyrirfram ef blikk er í vændum.
• Ef blikk er óumflýjanlegt af einhverjum ástæðum þarf það að slökkva sjálfkrafa á sér innan ákveðins tíma.

Hreyfimyndir eru einnig vandmeðfarnar. Texti á hreyfingu skapar ýmisleg vandamál, sérstaklega fyrir fatlaða einstaklinga eða þá sem eiga erfitt með lestur.

• Forðist notkun hreyfimynda ef aðrar lausnir eru mögulegar.
• Leyfið notendum að stöðva hreyfimyndir ef þær eru í notkun.