Samræmi í flokkum leiðarkerfis er lykilatriði. Þannig er tryggt að notendur geti alltaf komist í aðra flokka hvar sem þeir eru staddir á vefnum.

Forsíða vefsins er upphafssíða fyrir allt annað efni og er því ein af mikilvægustu síðunum Þrátt fyrir að gott sé að hafa mikið af upplýsingum á forsíðunni þarf að gæta hófs og hanna síðuna þannig að notendur þurfi síður að skruna niður til að sjá allt efnið.

Það er til hagsbóta fyrir notendur að tenglar séu settir fram á sambærilegan máta á vefnum, litanotkun á tenglum þarf enn fremur að vera á þann veg að þeir séu vel aðskildir frá texta í meginmáli.

Með notkun markhópatengla á forsíðu er skilgreindum hópum notendum gefinn kostur á að nálgast efni sem viðkemur þeim sérstaklega. Þessi aðferð er sífellt að færast í aukanna enda eru kostir hennar talsverðir.

Til að auðvelda einstaklingum að átta sig á tilgangi og hlutverki vefsins þarf alltaf að vera hægt að komast beint inn á forsíðu vefsins.

Stoðflokkar eru heiti yfir hjálparsíður til að aðstoða notendur við að finna efni, sækja veftré, senda fyrirspurnir og stækka/minnka letur.

Með því að birta veftré í heild sinni er notendum gert auðveldara fyrir með að fá yfirsýn yfir vefinn og alla undirflokka.

Samræmi í notkun á letri, litum og stærðum gerir stílhreinan vef. Slíkt eykur traust notenda og gerir vefinn þægilegri í ásýnd og notkun.