1.7.1 Yfirbygging og undirbúningur rekstrar

Yfirstjórn – eigendur verkefnis

Eigendur verkefnis (vefsins) eru umboðsmenn tilnefndir af forstöðumanni stofnunar/sveitarfélags. Í yfirstjórn sitja aðilar sem hafa umboð til að taka ákvarðanir sem tengjast verkefninu og gæti haft í för með sér kostnað.

• Sinnir stefnumótun og ber ábyrgð á vefstefnu og eftirfylgni hennar.
• Samþykkir verk-, tíma- og kostnaðaráætlun.
• Tekur ákvarðanir um þjónustustig og hvort eigi að fara í sérverkefni.
• Sinnir markmiðssetningu.

Vefstjórn – tæknilegt viðhald og rekstur

Stofnanir og sveitarfélög hafa í auknum mæli haft vefstjóra í fullu starfi en einnig er algengt að starfsmenn taki þetta hlutverk að sér samhliða öðrum störfum.

• Vefstjóri sér um daglegt viðhald vefsins, samningsstjórnun og samskipti við birgja.
• Í samráði við ritstjóra sér vefstjóri um innsetningu á efni. Byggir upp og viðheldur veftré, texta, myndum og tenglum.
• Vefstjóri sér um að öryggismál séu í lagi í samráði við hýsingaraðila.
• Sinnir upplýsingagjöf til yfirstjórnar, fylgist með árangursmælingum í tengslum við markmið og stefnu vefsins.
• Vefmælingar.
• Vinnur að aðgengismálum og ber að tryggja aðgengi allra einstaklinga að þjónustunni.
• Sér til þess að tenglar séu óbrotnir og í lagi.
• Sér til þess að mikilvægum stöðlum sé fylgt, prófar vefinn reglulega. Tryggir að vefinn sé hægt að nota í mismunandi vöfrum.
• Sinnir verkefnisstjórnun í þróunarverkefnum.

Ritstjórn – stjórnun á innihaldi

Ritstjórn vefsins samanstendur af einstaklingum með þekkingu á efni og þeim upplýsingum sem stofnuninni/sveitarfélaginu er ætlað að miðla.

• Vefritstjórn, efnisöflun og uppsetning efnis.
• Vefritstjóri ber ábyrgð á að innihald vefsins sé til fyrirmyndar, uppfært, skrifar eða útvegar texta þegar þess gerist þörf.
• Ber ábyrgð að farið sé að höfundarréttarlögum.