3. Aðgengi og nytsemi
Aðgengi og nytsemi
Inngangsorð
Í þessum kafla er fjallað almennt um aðgengi og nytsemi vefja. Tryggja þarf að þjónusta opinberra aðila taki mið af þörfum ólíkra hópa, svo sem blindra, sjónskertra, lesblindra, fólks með hreyfihömlun og annarra hópa fólks með fötlun. Einnig kemur gátlistinn að gagni fyrir aldraða sem geta oft ekki stjórnað mús og fólks sem ekki getur notað hendur heldur talgreini, höfuðmús eða annan búnað sem hermir eftir lyklaborðsvirkni en ekki mús. Íslensk stjórnvöld hafa beint þeim tilmælum til opinberra aðila að leiðbeiningum alþjóðlegu staðlasamtakanna Worldwide Web Consortium (W3C) sé fylgt hér á landi. WCAG 2.0 AA leiðbeinir um hvernig ganga skuli frá vefefni þannig að það sé aðgengilegt öllum.
Hafa ber í huga að leiðbeiningar W3C um aðgengi eru til þess fallnar að nýtast öllum notendum. Rannsóknir sýna að milli 10 og 15% vefnotenda í vestrænum samfélögum eiga við einhvers konar fötlun að stríða, t.d. á stærstur hluti þessa hóps erfitt með að nota mús, og því gagnast óaðgengilegar vefsíður þessum hópi ekki vel.
Vefsíður sem samræmast WCAG 2.0 staðlinum eru yfirleitt aðgengilegri bæði leitarvélum og fólki sem vill skoða vefinn úr snjallsímum og lófatölvum.
Mikilvægt er að rafrænar upplýsingar í formi skjala og rafrænna eyðublaða sem sett eru inn á vefsíður séu einnig öllum aðgengilegar.
Ítarefni um aðgengismál
- Trace Research Center myndband um Jaws
- Heyfihömluð stúlka notar tölvu (athugið að allur stoðbúnaður fyrir hreyfihamla hermir eftir lyklaborði en getur ekki framkallað músavirkni)
Fjallað er um aðgengismál út frá viðmiðum W3C WCAG 2.0 AA.
